Noyabrın 6-da ABŞ-ın Corc Meyson universiteti Azərbaycanın Rabitə və İnformasiya Texnologiyaları Nazirliyinin xətti ilə 3 azərbaycanlı tələbənin sənədlərini qəbul edib.
Nazirlikdən Trend ə verilən məlumata görə, bu tələbələr 2007-ci ilin yanvarından etibarən univesitetdə "İnformasiya və Telekommunikasiya Texnologiyaları" ixtisası üzrə təhsilə başlaya biləcək.
Hazırda həmin ixtisas üzrə təhsil almaq istəyən tələbələrin sənədlərinin göndərildiyi Malayziya Texnologiya Universitetindən cavab gözlənilir.
Müsabiqə əsasında seçilmiş 9 nəfərdən 4-ü artıq Ukraynanın Odessa Rabitə Akademiyasında təhsilə başlayıb.
Rabitə Nazirliyinin xüsusi komissiyası təhsil almaq istəyənlərin müsabiqə əsasında seçimini TQDK-dfn cavab aldıqdan sonra aparıb.
Nazirlikdən qeyd olunur ki, seçilmiş 9 nəfər müsabiqənin müəyyən tələblərinə cavab verir. Onlar Azərbaycan vətəndaşıdır, ingilis (TOEFL sertifikatı) və rus dillərinə (Odessada təhsil almaq üçün) mükəmməl yiyələnir, Azərbaycanda ali məktəblərə qəbul imtahanalarında 550-688 bal toplayıb.
Onlar bakalavar dərəcəsi üzrə 4 illik, istədikləri halda isə magistraturada da təhsil alacaqlar.