2006-cı ilin yanvar-noyabr aylarında Azərbaycan Rabitə və İnformasiya Texnologiyaları Nazirliyi 196348 telefon nömrəsini istismara verib. Dövlət qurumundan Trend ə verilən məlumata görə, istismara verilmiş nömrələrdən 135900 Bakı Telefon Rabitəsi İstehsalat Birliyinin (BTRİB), qalan 60448 nömrə isə Aztelekom İB-nin payına düşüb.
Bu dövrdə investisiyalar 30 mln. AZN-i ötüb, onlar həm paytaxt ətrafında, həm də Azərbaycan bölgələrində rabitə obyektlərinin yenidən qurulmasına, yeni telefon xətlərinin çəkilməsinə sərf olunub.
2005-ci ildə Rabitə Nazirlyi bütün respublika üzrə 164 185 telefon nömrəsini istismara verib, bu isə 2004-cü ilin göstəricisi ilə müqayisədə 42 611 nömrə çoxdur.
Aztelekom İB Bakı və Naxçıvan Muxtar Respublikası da daxil olmaqla, bütün respublika üzrə beynəlxalq və şəhərlərarası telefon rabitəsini təmin edir. O, yeganə beynəlxalq rabitə operatoru olaraq, təbii inhisarçıdır. 54 telekommunikasiya müəssisəsi, Bakı Şəhərlərarası Telefon Qovşağı, Kabel Magistarl Texniki Qovşaq və Təmir-Tikinti İdarəsi onun tabeçiliyindədir.
BTRİB Bakı şəhəri ərazisindən dövlət müəssisələri və idarəetmə orqanları, idarə müəssisə və təşkilat, eləcə də xarici hüquqi şəxslərə telefon və radio rabitəsi üzrə bütün xidmətləri göstərir. Ora 9 telekommunikasiya müəssisəsi, rabitə qurğularının tikintisi və təmiri idarəsi və Azərrabitəlayihə layihə - kəşfiyyat kontoru daxildir.
