Azərbaycan, Bakı/ Trend müxbir S.Babayeva/ Azərbaycan Avropa yayım zonasına qoşulmaq barədə məsələnin Ümumdünya radiorabitə konfransının gündəliyinə daxil edilməsi təklifi ilə çıxış edib. Bu barədə Rabitə və İnformasiya Texnologiyaları Nazirliyinin Dövlət müəssisəsinin fəaliyyətinin koordinasiya şöbəsinin məsləhətçisi Qulam Abdullayev bildirib.
Onun sözlərinə görə, bir müddət öncə Rabitə sahəsində Regional Birliyin toplantısında (RRB) Rabitə Nazirliyinin nümayəndə heyəti bu məsələnin 22 oktyabr - 16 noyabrda Cenevrədə keçiriləcək Ümumdünya radiorabitə konfransının gedişində baxılmasına nail olub. Təklifi RRB-yə üzv olan 10 dövlət dəstəkləyib.
"SSRİ dağıldlqdan sonra Azərbaycanın yayımı Avrasiyanın heç bir hissəsinə qoşulmayıb",-deyə o söyləyib.
Azərbayacan tərəfinin qaldıracağı digər azəhəmiyyətli məsələ orbitdə inhisarsızlaşdırma olacaq.
"Biz iri inhisarçı peyk şirkətlərinin nəzarəti altında olan istafadəsiz mövqelərin inkişaf edən ölkələrə verilməsi məsələsini qaldıracağıq",-deyə Q.Abdullayev qeyd edib.
Azərbaycan tərəfdən konfransın komitələrindən birinə vitse-sədr vəzifəsinə namizəd Abdullayev hesab olunur.
RRB-nin radioyayım üzrə komissiyasının növbəti iclası sentyabrda Moldovada baş tutacaq.