...

Azərbaycanın xüsusi işçi qrupu "Xalq kompüteri" layihəsinin ilkin variantını müzakirə edib

Telekommunikasiya Materials 7 May 2007 19:00 (UTC +04:00)

Trend-i buradan izləyin

Azərbaycan,Bakı/müxbir Trend S.Babayeva/Keçən həftənin sonunda xüsusi işçi qrupu Azərbaycan əhalisinin yoxsul təbəqəsinin təminatı üçün istiqamətləndirilmiş "Xalq kompüteri" layihəsinin ilkin variantını müzakirə edib. Bu barədə bazar ertəsi Rabitə və İnformasiya Texnologiyaları Nazirliyindən məlumat verilib.

İşçi qrup bir sıra nazirliklər, İntel və Microsoft şirkətlərinin mütəxəssislərindən ibarətdir.

Görüşdə layihənin hökumətə təqdim olunması üçün üç həftə ərzində layihə sənədinə bəzi əlavə və dəyişikliklərin edilməsi məqsədyönlü hesab edilib. Mayın 25-də işçi qrup layihənin müzakirəsi üçün yenidən toplaşacaq. Bütün detalların razılaşdırılmasından sonra sənəd baxılması üçün hökumətə təqdim olunacaq.

"Xalq kompüteri" layihəsinin mahiyyəti aşağı faiz qoyuluşları ilə uzunmüddətli kreditlə əhalinin yoxsul təbəqəsinə kompütrelərin təqdim olunmasından ibarətdir. Həm hökumət, həmçinin xarici borcalınmalar hesabına maliyyələşdirmə imkanları nəzərdən keçirilir. Microsoft lisenziyalaşdırılmış proqram təminatı, İntel isə güzəştli əsaslarla müvafiq avadanlıqları təqdim edəcək.

Rabitə Nazirliyinin təxmini hesablamalarına görə, bu gün Azərbaycanda hər 100 nəfərə 3-4 kompüter düşür. Yeni layihənin reallaşacağı təqdirdə rəqəmi beş dəfədən çox artırmaq mümkün olacaq.

Xəbər lenti

Xəbər lenti