Azərbaycan, Bakı /müx. Trend S.Babayeva/ Azərbaycanın Rabitə və İnformasiya Texnologiyaları Nazirliyi ilin birinci yarısının yekunları ilə bağlı kollegiya iclası keçirəcək. Nazirliyin mətbuat xidmətindən verilən məlumata görə, nazir Əli Abbasovun sədrliyi ilə kollegiya iclası iyulun 20-də Zaqatalada keçiriləcək.
Nazirliyin ilin birinci yarısındakı fəaliyyəti ilə bağlı əsas hesabatı maliyyə, uçot və iqtisadi analiz şöbəsinin rəhbəri Rəşad Nəbiyev təqdim edəcək.
İclas zamanı Rabitə Nazirliyinə daxil olan bütün müəssisələrlə videokonfrans rabitəsi olacaq. Toplantı çərçivəsində Zaqatalada bir sıra obyektlərin açılışı gözlənilir.
