Azərbaycan, Bakı, 12 aprel /Trend, müxbir Ə.Həsənov/
Azərbaycan Dövlət Sosial Müdafiə Fondu (DSMF) dövlət sosial sığorta sisteminin formalaşması və inkişafı mərhələləri muzeyinin yaradılması üzrə satınalma işləri üçün tender elan edib. Trend-in məlumatına görə, bu barədə cümə axşamı Fondun rəsmi mətbuatda dərc edilən məlumatında deyilir.
Tender DSMF-nin potensialının gücləndirilməsi üzrə layihə çərçivəsində elan edilib. Tenderdə iştirak haqqı 150 manat təşkil edir.
Müvafiq sənədlər 2012-ci il 15 may saat 17:00-dək təqdim edilməlidir, təkliflər zərfinin açılması 24 may saat 12:00-da Bakı şəhəri, H.Zərdabi prospekti, 80 ünvanında DSMF-nin Aparatında baş tutacaq.
