Azərbaycan, Bakı, 30 noyabr /Trend, müxbir A.Axundov/
Maliyyə Nazirliyi nazirliyin Aparatı üçün şəbəkə və telekommunikasiya avadanlıqlarının satın alınması məqsədilə tender elan edib.
Trend-in nazirliyin rəsmi saytına istinadən məlumat verir ki, tender iki lot üzrə keçirilir. Birinci lot nazirliyin daxili kommunikasiya sistemi və rəqəmsal ATS-i üçün şəbəkə avadanlıqlarının alınması, ikici lot isə nazirliyin Aparatı üçün multimedia, telekonfrans, səsləndirmə və prezentasiya avadanlıqlarının alınmasını nəzərdə tutur.
Tender proseduru 2012-ci il dekabr ayının 26-da saat 11:00-da Maliyyə Nazirliyində keçiriləcək. Tenderdə iştirakın dəyəri hər lot üzrə 300 manat təşkil edir.
Tender təklifləri 2012-ci il dekabr ayının 25-də saat 10:00-dək nazirliyin Müasir texnologiyalar və avtomatlaşdırılmış idarəetmə sistemləri şöbəsinə təqdim olunmalıdır.
İstehsal şəraiti və məhsulları (xidmətləri) beynəlxalq standartların tələblərinə cavab verən, şəbəkə, kompüter avadanlıqlarının və proqram təminatının təchizində və satın-alınmasında (və ya buna oxşar sahəsində) peşəkarlığı, idarəetmə səriştəsi, texniki və maliyyə imkanları olan iddiaçılar tenderdə iştirak edə bilərlər. Vasitəçilik fəaliyyətini həyata keçirən və maddi texniki bazası (öz əmlakından sərbəst və məhdudiyyətsiz istifadə etmək imkanı) olmayan müəssisələr tenderdə iştirak edə bilməzlər.
İddiaçı təklifin dəyərinin 5 faizi həcmində bank təminatı təqdim etməlidir.
Əlavə məlumat almaq üçün 25 dekabr 2012-ci il tarixinədək, saat 10:00-dan 18:00º-dək müraciət etmək olar (fasilə saat 13-dən 14-dək). Ünvan: Azərbaycan Respublikası, Bakı şəhəri AZ 1022, S.Vurğun küçəsi, 83, IV mərtəbə, 403-cı otaq; telefon: (99412) 404-47-06, faks: (99412) 404-47-20