Azərbaycan, Bakı, 19 iyun /Trend, müxbir A.Axundov/
Əmlak Məsələləri Dövlət Komitəsi (ƏMDK) Sumqayıt şəhərində daşınmaz əmlakın kütləvi qiymətləndirilməsinə dair pilot layihə üzrə podratçı şirkətin seçimi məqsədilə tender elan edib. Tender Dünya Bankının (DB) Azərbaycanda daşınmaz əmlakın qeydiyyatı layihəsi çərçivəsində elan edilib.
Trend-in məlumatına görə, bu barədə çərşənbə günü Komitənin yaydığı məlumatda deyilir.
Məlumata görə, tender iştirakçıları pilot ərazidə bazar məlumatlarının və bazar məlumat bankının toplanılması üçün sistemin yaradılması, kütləvi qiymətləndirmə üçün zona dəyər xəritəsinin hazırlanması, qiymətləndirmə modellərinin yaradılması və qiymətləndirmənin aparılması məqsədilə öz tender təkliflərini möhürlü zərflərdə təqdim etməlidirlər.
Tenderdə iştirak haqqı 150 manat (və ya 200 dollar) təşkil edir.
Tende təklifləri 2013-cü il 18 iyul saat 14:45-dək qəbul edilir.
Əlavə məlumat almaq üçün aşağıdakı ünvana müraciət etmək olar:
Bakı şəhəri, Hüseyn Cavid prospekti, AZ 1073
E-mail: [email protected], [email protected].