Azərbaycan, Bakı, 18 iyun /Trend, müxbir Zülfiyyə Qurbanova/
Dövlət Sərhəd Xidməti (DSX) uçuş aparatları avadanlıqlarının və onların ehtiyat hissələrinin satın alınması, eləcə də təyyarələrin və aviasiya mühərriklərinin təmir-bərpa işlərinin satın alınması üzrə açıq tender elan edib. Trend-in məlumatına görə, bu barədə Tender komissiyasının çərşənbə günü rəsmi mətbuatda dərc olunmuş xəbərində deyilir.
Tender 4 lotda keçirilir: An-2 təyyarələrində təmir-bərpa işləri (iştirakın dəyəri 600 manat), An-2 təyyarələri üçün ehtiyat hissələrinin satın alınması (iştirakın dəyəri 950 manat), Ми-17-1В helikopterləri üçün avadanlıqların satın alınması (iştirakın dəyəri 1900 manat), An-2 təyyarələrində AŞ-62İP tipli mühərriklərin təmiri (iştirakın dəyəri 400 manat).
Dəyərinin iki faizi həcmində bank zəmanəti ilə əsaslandırılmış tender təklifləri DSX tərəfindən bu ilin iyulun 16-sı, saat 16.00-dək qəbul edilir. Təkliflərin açılışı 17 iyul, saat 15.00-da keçiriləcək.
Əlavə məlumat almaq üçün ünvan:
Bakı, Zərifə Əliyeva küçəsi, 30.
Telefon: 012-498-01-36;
