Bakı. Trend:
Füzuli, Sabirabad və İmişli rayonları ərazisində salınmış məcburi köçkün qəsəbələrində fərdi yaşayış evləri təmir olunacaq.
Trend bu barədə dövlət satınalmalarının vahid internet portalından məlumat əldə edib.
Məlumata görə, artıq bununla bağlı Qaçqınların və Məcburi Köçkünlərin İşləri Üzrə Dövlət Komitəsinin nəzdində Mənzil İstismar Departamenti hazırlıqlara başlayıb.
Qurum sözügedən işlərin icrasını "KƏNDAHAR" Məhdud Məsuliyyətli Cəmiyyətinə (MMC) həvalə edib. Bunun müqabilində MMC-yə 297.448,5 AZN (297 min 448 manat 5 qəpik) məbləğində vəsait ödəniləcək.