Azərbaycan, Bakı, 6 iyul /Trend/
Azərbaycan Gənclər Fondu Azərbaycan Tələbə Gənclər Təşkilatları İttifaqında (ATGTİ) təqdimat keçirib.
Fonddan cümə günü Trend-ə verilən məlumata görə, təqdimat ali və orta ixtisas təhsil müəssisələrinin tələbə gənclər təşkilatlarının (TGT) sədrləri üçün keçirilib.
Təqdimatda fondun Layihələr və regionlarla iş sektorunun müdiri Vaqif Seyidbəyov TGT-lərə fondun məqsədi, fəaliyyət istiqaməti və strukturu haqqında geniş məlumat verərək, tələbə gənclər təşkilatlarının layihələrinin maliyyələşdirilməsi proseduruna aydınlıq gətirib.
