Azərbaycan, Bakı / Trend müxbir D.Xatınoğlu/ İran Mərkəzi Bankının statistikalarına əsasən, İranda son bir ay ərzində infilyasiya 15.8 faiza çatıb. Statistikada cari ayın 2006-cı ilin eyni ayı ilə müqayisədə infilyasiya fərqi 3% çox göstərilib. Məlumata əsasən, bir il müddətində hər ay infilyasiya baş verib. İran İslam Respublikasının 9-cu dövlət başçısı Mahmud Əhmədinejadın prezidentlik dövründə hakimiyyət dəfələrlə infilyasiyanın birrəqəmli olacağını vəd edib. Ekspertlərin nəzərincə, infilyasiyanın mütəmadi şəkildə artmasının səbəbi neft dollarlarının çox hissəsinin iqtisadi vəsait kimi ayrılmasıdır.