Azərbaycan, Bakı, 27 sentyabr/ Trend , müxbir V.Javoronkova, E.Tariverdiyeva/ Respublikaçılar partiyasından ABŞ prezidnetliyinə namizəd Con Makkeynin öz reytinqini artırmaq üçün ictimaiyyət qarşısında etdiyi çıxışlar, əksinə, onun mövqeyini azaldır.
"Görünür, müşahidəçilərin əksəriyyəti Makkeynin sonuncu strategiyasını səhv kimi qiymətləndirirlər", -- seçkilər üzrə məşhur amerikalı ekspert Piter Şeyn (Peter Shane) hesab edir.
Respublikaçılar partiyasından ABŞ prezidnetliyinə namizəd Con Makkeyn çərşənbə günü bəyan edib ki, ölkədəki maliyyə böhranı ilə əlaqədar seçkiqabağı kampaniyanı dayandırmaq və Vaşinqtona qayıtmaq barədə qərar qəbul edib. Ötən həftənin bazar günündən başlayan böhran dünya maliyyə bazarlarında öz əksini tapıb və Amerikanı iqtisadi sistemin iflasına gətirib.
Makkeyn Demokratlar partiyasından namizəd Barak Obamanı cümə gününə təyin edilən debatlardan imtina etməyə çağırsa da, namizədlərin birbaşa efirdə ilk debatları baş tutub. Makkeyn debatların əvəzinə maliyyə böhranından çıxış üzrə tədbirlər paketi hazırlamağı təklif edib. Buna baxmayaraq, təyin edilən debatlara 10 saat qalmış, Makkeyn debatlarda iştirak edəcəyini elan edərək, bunu iqtisadi böhran üzrə danışıqlarda irəliləyişlə izah edib.
Bütün ötən həftə ərzində Makkeynin reytinqi bəndlər itirib. CNN - in saytında cari reytinq avqustun sonunda Obamanın xeyrinə 44% səsə qarşı 46% olduğu halda, cari reytinqdə Obamanın xeyrinə 48% - in 43% - ə təşkil edir.
Sonuncu həftələr Makkeynin seçkiqabağı kampaniyasında uğurlu olmayıb. Müşahidəçilər hesab edirlər ki, iqtisadi böhran İllinoyslu senator Obamanın xeyrinə olub və Makkeyn hazırki hərəkətlərini maliyyə böhranı ilə əlaqədar rəqibinə güzəştə gedən reytinqini qaldırmağa yönəldib.
Amerikanın Padui Univeristetinin siyasi elmlər professoru Bert Rokmanın (Bert Rockman) rəyinə görə, yaranmış vəziyyətində Obamanın reytinqinin artması seçicilərin Obamanın iqtisadi proqramını Makkeynin proqramından üstün tutmalarına istinad edir.
Respublikaçıların seçkiqabağı kampaniyanı dayandırması Sara Paleyinin Respublikaçılardan vitse - prezdentliyə namizəd elan edilməsi və debatların ləğvi barədə təklifdən sonra piar - gedişdir.
"Biz daim nəyi görürük - Makkeynin kampaniyasının işləri pis getdikdə, senator fədakarcasına onu ümumi uğursuzluqlardan yayındıracaq cəsarətli addım atmağa çalışır", - Ohayo Univeristetinin professoru, "Madison's Nightmare" kitabının müəllifi Şeyn elektron poçtla Trend -a bildirib.
Amerikalı politoloq Con Pitninin (John J. Pitney) rəyinə görə, seçkiqabaği kampaniyanı dayandıran Makkeyn amerikalıların çıxışlarla və reklamla məşğul olan deyil, böhrana daha çox diqqət ayıran namizədə - yəni Makkeynə üstünlük verəcəklərinə ümid edib. İnsanlar yəqin ki, Makkeynin hazırki məqamda öz kampaniyasını dayandırmaq barədə qərarını təqdir edəcəklər. Lakin ümumi vəziyyət yenə də Obamaya yardım edəcək, -Klermont MakKen kollecinin professoru, "The Art of Political Warfare" kitabının müəllifi Pitni elektron poçtla Trend - a bildirib. Pitninin rəyinə görə, respublikaçı namizəd bununla rəqibi Obamanın balansını pozmağa çalışıb.
Makkeynin hərəkətləri, əksinə, onun rəqibini - demokrat Obamanı məqsədlərinə yaxınlaşdıra bilər. Pitninin rəyinə görə, Makkeynin sonuncu hərəkətləri nəticəsində, Obama seçicilər qarşısında öz planlarına riayət etməyi üstün tutan və tədbirləri ləğv etməyən kifayət qədər intizamlı namizəd kimi dayanıb.
"Hazırda Makkeyn ehtiyatsız hərəkət edir və hadisələrdə əhəmiyyətli dəyişikliyin olacağına ümid edir; Obama isə, vaxt qazanmağa çalışır. O sakitdir və əzmlə ictimaiyyəti sakitləşdirməyə çalışır", - Şeyn bildirib.
Seçkilərin son nəticələrindən danışmaq tez olsa da, ekspertlər cari hadisələr nəticəsində, artıq namizədlərin gələcəkdə özlərini necə aparacaqlarına dair proqnoz verirlər. Şeynin rəyinə görə, respublikaçılar yenidən qeyri-təbii yolla Makkeynin reytinqini artırmaq üçün bir şey fikirləşməyə çalışacaqlar.
Rokmanın rəyinə görə, çox ehtimal ki, namizədlər müxtəlif siyasət aparacaqlar. Lakin Makkeyn prezident seçilərsə, vergiləri artırmağa məcbur olacaq.
Buna baxmayaraq, ümumilikdə demokratlar sahibkarlıq fəaliyyətinin tənzimlənməsinə meyllidirlər və onlar qeyri - bərabərliyi azaltmağa çalışırlar. Respublikaçılar, bir qayda olaraq, tənzimlənməyən bazar iqtisadiyyatına sərt şəkildə sadiqdirlər, - Rokman elektron poçtla Trend - a bildirib.
Müəlliflə əlaqə saxlamaq üçün elektron ünvan: [email protected]
