"Əvvəlcə Meksikada peyda olan "donuz qripi" virusunun pandemiyaya çevrilməsi halında, bütün dünya üzrə 1,5 milyard nəfər zərər çəkə bilər", Ümumdünya Səhiyyə Təşkilatının (ÜST) mütəxəssisləri hesab edirl'r. Onların proqnozlarını Si-En-En telekanalı təqdim edib.
Ekspertlər hesab edirl'r ki, pandemiya halında virus 18-24 ay ərzində şəhərdən şəhərə yayılaraq, əhalinin 1/3-dən çoxuna yoluxacaq. "ÜST nümayəndələri hesab edirlər ki, 1,5 milyarda yaxın insan kömək üçün həkimlərə müraciət edəcək, onlardan təxminən 30 milyon nəfəri isə hospitallaşdırılacaq", - Si-En-En qeyd edir. "Ümumilikdə, dünya üzrə 7 milyona yaxın insan "donuz qripi"nin pandemiyası zamanı ölə bilər", ÜST-də hesab edirlər, İnterfaks yazır.