İordaniya İranın nüvə proqramı ilə bağlı mübahisələrin diplomatik yolla həll edilməsinə çağıraraq bildirir ki, bütün ölkələr dinc məqsədlərlə nüvə enerjisindən istifadə hüququna malikdir. Məlumatı Press TV AFP-yə istinadən yayıb.
"Ərəb ölkələrində təhlükəsizliyin və sabitliyin təminatı birbaşa regional təhlükəsizliklə bağlıdır", - İordaniyanın daxili işlər naziri Nayif əl-Qazi Tunisdə Ərəb Ölkələri Daxili İşlər Nazirləri Şurasının iclasında bildirib.
"Məhz buna görə də biz İranın nüvə proqramı ətrafında böhranla bağlı diplomatik və siyasi qərarları dəstəkləyirik", - o deyib.
Əl-Qazi Şuranın 27-ci iclasına rəhbərlik edir.
O əlavə edib ki, bütün ölkələr dinc məqsədlərlə nüvə enerjisindən istifadə hüququna malikdir və nüvə məsələləri bütün hallarda şəffaf həll olunmalıdır, həmçinin İsrail də istisna deyil.