BMT Təhlükəsizlik Şurasının strukturu bütün ölkələrin bərabər hüququ nəzərə alınmaqla yenidən qurulmalıdır, belə ki, onun indiki fəaliyyəti "ədalətsiz və qeyri-obyektivdir". Bunu İranın xarici işlər naziri Mənuçöhr Müttəki Lesotonun XİN rəhbəri Mohlabi Kennet Tseko ilə görüşdə deyib. Məlumatı "Press TV" yayıb.
Müttəkinin şərhi İran, Hindistan, Yaponiya, Braziliya və Almaniya kimi ölkələr BMT TŞ-nin XXI əsrin problemlərini daha effektiv həll etməsi üçün onun tam yenidən qurulması ilə bağlı təklif irəli sürdükdən dərhal sonra verilib.