Azərbaycan, Bakı, 5 sentyabr /Trend, müxbir R.Hafizoğlu/
Azad Suriya Ordusunun səhra komandirlərindən olan Abdulqadir Əs-Salah ölkədəki nizami orduya qarşı silahlı mübarizə aparmaq üçün Türkiyədən bu vaxta qədər silah dəstəyi almadıqlarını bildirib. Trend-in məlumatına görə, bu barədə Türkiyənin Anadolu agentliyi xəbər verib.
Əs-Salah onu da bildirib ki, hazırda Suriyanın bir çox şəhərləri qismən də olsa, Azad Suriya Ordusunun nəzarəti altındadır.
Onun sözlərinə görə, Hələb şəhərinin 70 faizi Azad Suriya Ordusunun nəzarətindədir.