Gürcüstan, Tbilisi, 25 oktyabr / Trend, müxbir N.Kirsxaliya /
Gürcüstan Prezidenti Mixail Saakaşvili Qurban bayramı münasibətilə ölkə müsəlmanlarını təbrik edib. Təbrik məktubu ölkə prezidentinin Facebook-dakı şəxsi səhifəsində yerləşdirilib.
"Ölkəmizin birliyi Gürcüstanın firavanlığının bütün etnik qruplara, bütün dinlərdən olan vətəndaşalara eyni şəkildə aid olmasına əsaslanır. Gürcüstanın müsəlman icması cəmiyyətimizin ayrılmaz və əziz hissəsidir. Bayram münasibətilə təbriklərə qoşuluram, sizə və ailələrinizə uğurlar, firavanlıq və sülh arzu edirəm", - Gürcüstan Prezidentinin təbrik məktubunda deyilir.
Bu gün Acariyanın rəhbəri Levan Varşalomidze müsəlmanları bayram münasibətilə təbrik etmək üçün Batumidəki məscidi ziyarət edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
