Azərbaycan, Bakı, 29 oktyabr /Trend, müxbir Təmkin Cəfərov/
İran və 5+1 ölkələri arasında nüvə məsələləri ilə bağlı müzakirələr son mərhələyə yaxınlaşıb. Bunu BMT baş katibinin birinci müavini Yan Eliasson bu gün BMT-nin yaranmasının ildönümü münasibətilə Tehranda keçirilən mərasimdə çıxışı zamanı deyib.
Trend-in İRNA agentliyinə istinadən verdiyi məlumata görə, Y.Eliasson bildirib: "Ümid edirik ki, müzakirələrdən müsbət nəticələr əldə olunacaq, çünki razılığın əldə olunması dünya ictimaiyyətinin xeyrinədir".