Azərbaycan, Bakı, 5 dekabr /Trend/
ABŞ Senatının Xarici əlaqələr komitəsi Riçard Millzin Ermənistanda yeni səfir qismində namizədliyini təsdiq edib.
Trend-in Armenia Today-ə istinadən verdiyi məlumata görə, bundan sonra onun namizədliyi ABŞ Senatının iclasında təsdiq olunmalıdır.
Hazırda R.Millz ABŞ-ın Beyrutdakı diplomatik missiyasının müavini vəzifəsində çalışır. O, daha əvvəl ABŞ-ın Maltadakı səfirliyində müvəqqəti işlər vəkili olub. R.Millz Paris, Dublin, London, Bağdad və İslamabadda işləyib.
Ermənistan və Azərbaycan istiqaməti üzrə konsul şöbəsində də çalışan R.Millz fransız və rus dillərini bilir.