Azərbaycan, Bakı, 11 fevral /Trend/
Rusiyanın Müdafiə Nazirliyi Volqoqraddakı qəzanın səbəbləri araşdırılanadək Su-24 döyüş bombardmançı təyyarələrinin uçuşlarını dayandırmağı qərar alıb. Trend xəbər verir ki, bu barədə RİA Novosti-yə nazirliyin mətbuat xidmətindən məlumat verilib.
Məlumatda deyilir: "RF SQ Baş qərargah rəisinin qərarı ilə Su-24 təyyarələrinin uçuşları hadisənin səbəbləri araşdırılanadək müvəqqəti dayandırılıb".
Bundan əvvəl verilən məlumatda deyilirdi: "Təyyarə Volqoqrad yaxınlığında "Marinovka" aerodromuna yaxın ərazidə qəzaya düşüb. Göyərtədə iki ekipaj üzvü olub, onların taleyi naməlumdur".
Ehtimala görə, təyyarənin qəzaya uğramasına səbəb texniki nasazlıq, yaxud ekipajın səhvi ola bilər.