Azərbaycan, Bakı, 16 oktyabr /Trend, müxbir Təmkin Cəfərov/
İranın "Nigintabaas" şirkətinə məxsus mədən çöküb. Bu barədə Trend IRINN xəbər kanalına istinadən məlumat verir.
Məlumata əsasən, mədənin çökməsi nəticəsində orada 4 nəfər qalıb.
Hadisə yerli vaxtla ötən axşam saat 03:30-da mədənin 200 metr dərinliyində baş verib. Hadisə baş verdiyi zaman mədəndə 50 mədənçi olub, onlar salamat çıxarılıblar.
Hazırda dörd mədənçinin də xilas edilməsi üçün işlər aparılır.