Bakı. Rufiz Hafizoğlu - Trend:
İstanbul-Ərbil (İraq) reysi ilə uçan "İraq Hava Yollar"nın (Zagrosjet) təyyarəsinin mühərriki Atatürk aeroportundan havaya qalxdıqdan sonra sıradan çıxıb.
Trend-in Türkiyənin "Anadolu" agentliyinə istinadən verdiyi məlumata görə, insident bu gün səhər saatlarında - 05:15-də baş verib.
Mühərrik dayandıqdan sonra təyyarə Atatürk hava limanına məcburi eniş edib.
Enişdən sonra bütün sərnişinlər təxliyə olunub. Onlar Ərbilə başqa reyslə yola salınıb.