Yerevandakı silahlılar girovların azad edilməsi üçün şərt irəli sürüblər
Bakı. Trend:
Yerevanda post-patrul xidməti polkunun binasını ələ keçirmiş silahlı qruplaşmanın üzvü Varujan Avetisyan bəyan edib ki, girov saxladıqları tibb işçiləri yeni briqada ilə əvəzlənəcəyi təqdirdə onları azad etməyə hazırdırlar.
Trend-in RİA Novosti-yə istinadən verdiyi məlumata görə, o deyib ki, burada girov yoxdur.
V.Avetisyan əlavə edib ki, tibb işçiləri özlərini yaxşı hiss edirlər və peşə borclarını yerinə yetirirlər.
Qeyd edək ki, iyulun 17-dən bir qrup silahlı şəxs Yerevan polisinin post patrul xidməti alayının binasını ələ keçirib. Hadisə zamanı alay komandirinin müavini polis polkovniki Artur Vanoyan öldürülüb.
