Bakı. Trend:
Əfsanəvi yamaykalı sprinter Useyn Bolt karyerasında Olimpiya Oyunlarının doqquzuncu qızıl medalını qazanıb.
Trend-in İnterfaksa istinadən verdiyi xəbərə görə, Bolt Yamayka yığmasının heyətində 4x100 metr məsafəyə estafet qaçışı yarışlarında Olimpiya çempionu olub.
Yarışlarda Yamayka yığması (Useyn Bolt, Asafa Pauel, Nikel Aşmid və Yoxan Bleyk) 37,25 saniyə nəticə ilə 1-ci, Yaponiya 2-ci (37,60), Kanada isə 3-cü yer tutub (37,64).