Bakı. Trend:
Çin güc strukturları tərəfindən Sintzyan-Uyqur muxtar rayonunda 3 terrorçu zərərsizləşdirilib. Trend RİA Novosti-yə istinadən məlumat verir ki, onlar 2015-ci ildə baş vermiş terror aktlarını törətməkdə şübhəli bilinirlər.
Məlumata görə, axtarışda olan terrorçular qanun keşikçilərinə tabe olmadıqları zaman saxlanılıblar. Polislərdən yaralanan olmayıb.
Həmin terrorçuların 2015-ci ilin aprelində təşkil edilmiş hücumlarda iştirak etdikləri bildirilir.