Bakı. Fidan Həsənzadə - Trend:
Türkiyənin Mardin vilayətinin Darkeçid rayonunda PKK terrorçularının hazırladığı partlayıcı qurğular aşkar edilib.
Trend-in "Haber 7" qəzetinə istinadən verdiyi məlumata görə, partlayıcı maddələr 3 qaz balonu, bir yanğınsöndürmə balonu və 6 voleybol topunun içərisinə yerləşdirilib.
Terrorçuların evində aparılan axtarış zamanı zirzəmidə partlayıcı vasitələr yerləşdirilmiş məişət əşyaları aşkarlanaraq ələ keçirilib.
Türkiyə Silahlı Qüvvələri qaçan 5 terrorçunun Silopi rayonunda təslim olduğunu açıqlayıb.