Bakı. Trend:
Martın 5-də Türkiyənin Diyarbəkir vilayətinin cənub-şərqində Licə, Kull, Hani rayonlarında təhlükəsizlik qüvvələrinin keçirdiyi irimiqyaslı antiterror əməliyyatı uğurla başa çatıb.
Trend Anadolu-ya istinadən xəbər verir ki, əməliyyatda 7 mindən artıq hərbçi və hüquq-mühafizə orqanları əməkdaşları iştirak edib.
Əməliyyat çərçivəsində 27 PKK terrorçu məhv edilib, bir canlı götürülüb. Minalanma məqsədilə terrorçular tərəfindən oğurlanmış 9 nəqliyyat vasitəsi aşkar edilib, külli miqdarda hərbi sürsat müsadirə olunub.
Bundan başqa, 9,5 ton həşişin daşınmasının qarşısı alınıb.