Bakı. Trend:
Meksikanın Milli Mülki Müdafiə Xidməti Oaxaka ştatının fevralın 17-də baş verən zəlzələdən zərər çəkmiş 33 bələdiyyəsində fövqəladə vəziyyət rejimi elan edib.
Trend-in məlumtaına görə, fövqəladə vəziyyət rejimi bu rayonlara təbii fəlakətlərin nəticələrinin aradan qaldırılması üzrə xüsusi fondun vəsaitlərinə çıxış əldə etməyə imkan verəcəkdir.
Qeyd edək ki, fevralın 17-də Meksikanın Oaxaka ştatında 7,2 bal gücündə zəlzələ baş verib. Yeraltı təkanların episentri Pimotepa-Nasyonal rayonunda yerləşib. Meksikanın Milli Seysmoloji Xidməti zəlzələdən sonra 1,5 min afterşok qeydə alıb.