Bakı. Trend:
Türkiyənin Bursa şəhərində iki minik avtomobili toqquşub.
Trend-in Türkiyə KİV-lərinə istinadən verdiyi məlumata görə, toqquşma nəticəsində 3 nəfər həlak olub, 3 nəfər isə yaralanıb. Ölənlər və yaralananlar bir maşında olub.
Məlumata əsasən, sürücü və sərnişinlərdən biri hadisə yerində həlak olublar, 4 nəfər isə xəstəxanaya yerləşdirilib. Həkimlərin səylərinə baxmayaraq yaralılardan birini xilas etmək mümkün olmayıb. Digər yaralıların vəziyyətinin ağır olduğu bildirilir.