Bakı. Tural Turan - Trend:
Braziliyanın Minas-Jerays ştatında bəndin dağılması nəticəsində ölənlərin sayı 157 nəfərə çatıb.
Trend-in məlumatına görə, daha əvvəl 150 nəfərin öldüyü bildirilirdi.
Bildirilir ki, həlak olanlardan 134-ün kimliyi müəyyən edilib. Daha 182 nəfər itkin düşmüş sayılır.
Qeyd edək ki, yanvarın 25-i Braziliyanın Minas-Jerays ştatında "Vale" şirkətinin metallurgiya sənayesinin tullantılarının olduğu suyu saxlayan bənd dağılıb.