Bakı. Trend:
Ukraynada prezidenti seçkilərində səsvermə yerli vaxtla 20:00-da başa çatıb.
Trend-in məlumatına görə, bütün seçki məntəqələrinə əsasən yerli vaxtla 15:00 üçün seçkilərdə iştirak faizi 45,11% təşkil edib. 199 seçki məntəqəsindən ikisində aparılan hesablamalara əsasən isə, saat 20:00 üçün iştirak faizi 46,54% təşkil edib.
Ölkə prezidenti postuna 39 namizəd iddia edir. Seçkilərdə liderlər arasında şoumen Vladimir Zelenski, hazırki prezident Petro Poroşenko və Yuliya Timoşenkodur.
Qeyd edək ki, Ukrayna prezidentinin səlahiyyət müddəti beş ildir. MSK aprelin 10-a qədər seçkilərin nəticələrini açıqlamalıdır. Namizədlərdən hər hansı biri birinci turda səslərin yarısından çoxunu yığa bilməsə, aprelin 21-i ikinci tur keçiriləcək.