Bakı. Elnur Bağışov - Trend:
İranın cənubunda yerləşən Xuzistan vilayətinin Ümidiyyə-Əhvaz neft boru kəmərində yanğın baş verib.
Trend-in məlumatına görə, bunu İranın Xuzistan vilayəti valiliyinin fövqəladə hallar üzrə idarəsinin baş direktoru Kiyamərs Hacızadə deyib.
K.Hacızadənin sözlərinə görə, boru kəmərində təmir işləri aparılarkən buldozerin toxunması nəticəsində yanğın baş verib:
"Yanğın baş verən məkana yaxın Salehabad kəndi təhlükəsizlik məqsədilə təxliyə edilib. Hazırda vəziyyət nəzarətdədir. Neft boru kəməri bağlanıb və boruda qalan neft yanmaqdadır.
Yanğının söndürülməsi üçün əməliyyat aparılır.