Bakı. Trend:
Tailandda koronavirus pandemiyası ilə əlaqədar tətbiq edilmiş komendant saatı ləğv olunur.
Trend-in məlumatına görə, bu qərar ölkə ərazisində iyunun 15-dən qüvvəyə minəcək.
Bundan başqa, uşaq bağçaları, beynəlxalq məktəblər və digər qeyri-dövlət tədris müəssisələri açılır. Konfrans, konsert və sərgilərin keçirilməsinə də icazə verilir.
Eyni zamanda, beynəlxalq uçuşların qadağası bəzi istisnalarla iyunun 30-dək qüvvədə qalacaq.
Qeyd edək ki, bu günədək Tailandda 3 129 nəfər koronavirusa yoluxub, 58 nəfər ölüb. Hazırda 84 nəfərin müalicəsi davam edir.