Bakı. Trend:
Gürcüstanda koronavirusa yoluxanların sayı artmağa başlayıb.
Trend-in məlumatına görə, son sutka ərzində ölkədə 10 yeni yoluxma qeydə alınıb. Son 3 gün ərzində yoluxanların sayı 24 nəfər artıb.
Bu günədək Gürcüstanda 1 155 nəfər koronavirusa yoluxub, 16 nəfər həyatını itirib.
Qeyd edək ki, Gürcüstan ötən ayın sonunda və bu ayın əvvəlində karantin tədbirlərini aradan qaldırmış, beynəlxalq sərhədləri açmışdı.