Bakı. Trend:
"Barselona"nın hücumçusu Robert Levandovski yeni uğura imza atıb.
Trend xəbər verir ki, 37 yaşlı hücumçu bunu ötən gecə La Liqanın 12-ci turunda "Selta" ilə oyunda (4:2) het-trik etməklə bacaıb.
Levandoski "Barselona"nın heyətində vurduğu qolların sayını 108-ə çatdırıb. O, bunun sayəsində klubun bombardirləri siyahısında 13-cü yerə yüksəlib.
Levandovski siyahıda Neymarı (105) üstələyib və PSJ-nin hazırkı baş məşqçisi Luis Enrikeyə çatıb. Argentinalı hücumçu Lionel Messi 672 qolla siyahıya başçılıq edir. Sezar Rodriges isə 226 qolla 2-cidir.
Qeyd edək ki, Levandovski 2022-ci ilin yayından "Barselona"da oynayır.