Bakı. Trend:
İsrail Müdafiə Nazirliyinin Raketdən Müdafiə İdarəsi ABŞ-ın Raketdən Müdafiə Agentliyi ilə birgə “Hets-2” sisteminin sınaqlarını keçirib.
Trend-in məlumatına görə, bu barədə İsrail Müdafiə Nazirliyi bildirib.
Sınaqların uğurla keçirildiyi qeyd edilib. Sınaq zamanı raketdən müdafiə sistemi uzun məsafəli raket qismində buraxılmış hədəfi məhv edib.
Qeyd edək ki, “Hets-2” raketdən müdafiə sistemi 3 min kilometrədək uçuş məsafəsi olan ballistik raketlərin məhv edilməsi üçün nəzərdə tutulub.