Bakı. Trend:
ABŞ-ın Dallas şəhərində (Texas ştatı) naməlum şəxs gecə klubunda atəş açıb.
Trend-in məlumatına görə, bu barədə "Associated Press" agentliyi polisə istinadən xəbər verib.
Bildirilib ki, hadisə nəticəsində bir nəfər ölüb, beş nəfər xəsarət alıb.
Atışma münaqişə zamanı baş verib. Yaralılar xəstəxanaya yerləşdirilib, atəş açan şəxs hadisə yerindən qaçıb.