Bakı. Trend:
Özbəkistanın Səmərqənd vilayətində məişət qaz balonlarının qaz doldurma məntəqəsində qaz daşıyan maşının partlaması nəticəsində iki nəfər ölüb.
Trend-in məlumatına görə, hadisə 14 iyun tarixində yerli vaxtla saat 17:40-da Səmərqənd vilayətinin Urqut rayonunda baş verib.
Hadisə nəticəsində yük maşını sürücüsü və yanacaqdoldurma məntəqəsinin bir əməkdaşı hadisə yerində həlak olub.
Faktı ilə bağlı araşdırma aparılır.