Bakı. Trend:
Yaponiyanın cənub-qərbindəki Suvanose adasında vulkan püskürməsi baş verib.
Trend-in "TASS"a istinadən verdiyi xəbərə görə, bu barədə Yaponiyanın Milli Meteorologiya İdarəsi məlumat verib.
Bu baxımdan meteoroloqların bölgədə beş ballıq miqyasda üçüncü təhlükə səviyyəsini yaranması qeyd olunur. Bu o deməkdir ki, vulkana 2 km-dən az məsafədə yaxınlaşmaq mümkün deyil.
Adadakı xəsarətlər və dağıntılar barədə məlumat verilməyib. Hazırda təxminən 80 nəfərin yaşadığı kəndin özü vulkandan 4 km uzaq məsafədədir.