Nigeriyada binanın çökməsi nəticəsində 20 nəfər ölüb
Bakı. Trend:
Nigeriyanın Laqos şəhərində noyabrın 1-i tikintisi davam edən 21 mərtəbəli binanın çökməsi nəticəsində ölənlərin sayı artıb.
Trend-in məlumatına görə, bu barədə "Agence France-Presse" agentliyinə ölkənin Fövqəladə Hallar üzrə Dövlət Agentliyindən bildiriblər.
Məlumata əsasən, ölənlərin sayı 20 nəfərə çatıb: "Biz daha 5 meyit aşkar etdik və ölənlərin sayı 20 nəfərə çatdı. Sağ qalanların sayı olduğu kimi qalır - 9 nəfər".
Qeyd edilir ki, dağıntılar altında hələ də insanların qaldığı ehtimal edilir.
