Bakı. Trend:
Şimali Koreya bazar günü Yapon dənizi istiqamətində naməlum mərmi atıb.
Trend xarici KİV-lərə istinadən xəbər verir ki, bu barədə məlumatı Cənubi Koreya ordusunun Birləşmiş Qərargah Rəisləri komitəsi yayıb.
Qeyd edək ki, bu artıq KXDR-in bu il həyata keçirdiyi yeddinci buraxılışdır.
Yaponiya Sahil Mühafizəsi də ehtimal olunan ballistik raket buraxılışı ilə bağlı məlumatı təsdiqləyib. Agentlik ərazidəki balıqçı qayıqlarına raket qalıqlarının düşmə riski barədə xəbərdarlıq edib.