Bakı. Trend:
Polşanın baş naziri Mateuş Moravetski hökumətin təhlükəsizlik və müdafiə komitəsinin təcili iclasını çağırıb.
Trend xəbər verir ki, bunu çərşənbə axşamı Polşa hökumətinin mətbuat katibi Petr Müller deyib.
Ehtimallara görə, iclasda söhbət Polşanın şərqində Ukrayna ilə sərhədə yaxın ərazidə iki raketin düşməsindən gedəcək. "ZET" radiosunun məlumatına görə, Polşa ərazisinə iki raketin düşməsi nəticəsində iki nəfər həlak olub.