Bakı. Trend:
ABŞ-ın Los-Anceles şəhərində (Kaliforniya ştatı) silahlı insident baş verib.
Trend xəbər verir ki, bu barədə şəhərin polis idarəsinə istinadən "Los Angeles Times" qəzeti məlumat yayıb.
Məlumata əsasən, atışma nəticəsində 3 nəfər həlak olub.
"Şənbə günü səhər Los-Ancelesin dəbdəbəli Benedikt Kanyonu rayonunda baş verən atışmada azı 3 nəfər ölüb, 4 nəfər yaralanıb", - deyə polisin məlumatında bildirilir.
Ölənlərin avtomobilin içərisində olduğu, yaralananların isə küçədə olduğu qeyd edilir. Şübhəli və ya şübhəlilərin hələ də tapılmadığı qeyd edilir.