Bakı. Trend:
Şimali Koreya bazar ertəsi başlayan illik ABŞ-Cənubi Koreya hərbi təlimlərini qınayaraq, Vaşinqton və Seulu Koreya yarımadasında termonüvə müharibəsinə təhrik etməkdə ittiham edib.
Trend xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb.
"Misli görünməmiş irimiqyaslı termonüvə müharibəsi hər dəqiqə Koreya yarımadasına yaxınlaşmaqdadır", - məlumatda deyilir.
Xatırladaq ki, Amerika Birləşmiş Ştatları (ABŞ) və Cənubi Koreya bazar ertəsi irimiqyaslı birgə hərbi təlimlərə başlayıb. Təlimlər zamanı müttəfiqlərin çöl şəraitində 30-a yaxın birgə təliminin keçirilməsi planlaşdırılır. Təlimlər avqustun 31-dək davam edəcək.