Bakı. Trend:
Avropada qazın birja qiymətləri təqribən 3 faiz bahalaşaraq, min kubmetrin qiyməti 385 dollara çatıb.
Trend "Praym" agentliyinə istinadən xəbər verir ki, "ICE" London birjasının məlumatları bunu təsdiqləyir.
TTF ("Title Transfer Facility" - Avropanın Niderlandda yerləşən ən böyük habı) indeksi üzrə oktyabr fyuçerslərinin qiyməti 385,4 dollar olub ki, bu da əvvəlki qiymətlə (374,9 dollar) müqayisədə 2,8% çoxdur.
Xatırladaq ki, ötən ilin 7 mart tarixində gün ərzində Avropada qazın qiyməti bir neçə dəfə rekord vuraraq maksimum 3 900 dollaradək yüksəlib.
Qeyd edək ki, 2021-ci ilin dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.