Bakı. Trend:
Ermənistan Xarici İşlər Nazirliyinin xüsusi tapşırıqlar üzrə səfiri Edmon Marukyan istefa verib.
Trend-in məlumatına görə, bu barədə səfir E.Marukyan "Facebook" səhifəsində yazıb.
O, Ermənistanın baş naziri Nikol Paşinyanla fikir ayrılığına görə istefa verdiyini qeyd edib.
"Son zamanlar bir sıra fundamental xarici siyasət məsələlərinə baxışlarımızdakı fərqliliklər mənim xarici siyasət cəbhəsində iştirakımı davam etdirməyimi qeyri-mümkün etdi", - deyə o bildirib.
E.Marukyanın Azərbaycanla sülh sazişi üzərində işlədiyi də bildirilib.