Bakı. Trend:
Trans-Baykal dəmir yolunun Qorelıy-Bamovskaya hissəsində yük qatarı minik avtomobili ilə toqquşub, 20 vaqon relsdən çıxıb.
Trend Rusiya KİV-ə istinadən xəbər verir ki, qəza Amur vilayətində Bamovskaya stansiyasında baş verib.
Relsdən çıxan vaqonlar boş olub.
Qəzaya minik avtomobilinin sürücüsünün səbəb olduğu bildirilib. Xəsarət alan sürücü xəstəxanaya yerləşdirilib.
Dəmir yolunun qeyd olunan hissəsində qatarların hərəkəti dayandırılıb. Artıq bərpa işləri aparılır.
Hadisə ilə bağlı araşdırma başladılıb.