Bakı. Trend:
Ermənistanda Rusiyanın "Birinci kanal"ının yayımı dayandırılıb.
Trend Ermənistan KİV-nə istinadən xəbər verir ki, bu barədə ölkənin Yüksək Texnologiyalar Nazirliyinin mətbuat xidmətinin məlumatında bildirilib.
Məlumatda o da qeyd edilib ki, mayın 7-də Ermənistanın baş naziri Nikol Paşinyan İrəvanın tələblərinə məhəl qoymasalar, ölkədəki Rusiya kanallarını bağlayacağı ilə bağlı xəbərdarlıq etmişdi.
Nazirlər Kabinetinin rəhbərinin fikrincə, ölkənin daxili siyasətinə hörmətsiz münasibət kanalların fəaliyyətinin dayandırılmasına gətirib çıxaracaq. O qeyd edib ki, Rusiya kanalları artıq bununla bağlı "çoxsaylı xəbərdarlıqlar" alıblar.