Bakı. Trend:
Təxminən 800 ildir yatmış olan İslandiyadakı vulkan yenidən püskürüb.
Trend bu barədə xarici KİV-lərə istinadən xəbər verir.
Məlumata görə, səlahiyyətlilər paytaxt Reykyavikin cənubundakı ərazidə yeraltı maqmanın yığıldığını göstərən araşdırmalara əsasən yeni vulkanik fəaliyyət riski barədə xəbərdarlıq ediblər.
Qeyd edilir ki, sözügedən partlayış, təxminən 30 min əhalisi olan yarımadada təxminən 800 il fəaliyyətsiz olan geoloji sistemlərin yenidən aktivləşdiyi 2021-ci ildən bəri baş verən səkkizinci partlayışdır.